പുട്ട്

ആദിയില്‍ അമ്മ അവളെ പുട്ടുണ്ടാക്കാന്‍ പഠിപ്പിച്ചു

അരിപ്പുട്ട്, ഗോതമ്പ് പുട്ട്, പയര്‍പുട്ട്, ചെമ്പാവരിപുട്ട്

കാലം ചെന്നാറെ

അവള്‍ ആവിയില്‍ സ്വയം വേകാന്‍ പഠിച്ചു

തീന്‍ മേശയില്‍ വിളമ്പപ്പെട്ടു.

പശുക്കെണി

മുള്ളുവേലി കെട്ടിതിരിച്ച അതിരുകളാല്‍

കരളിനു ചുറ്റും കളം വരയ്കരുത്

കണ്ടു പഴകിയ കടലിനപ്പുറം കരയില്ലന്നും

മരുഭൂമിയില്‍ ഉറവയില്ലെന്നും കലംബരുത്

നീല രക്ത വാദിയായ

വെജിറ്റെറിയന്‍ രാജാവിനെപ്പോലെ

നെടുവീര്‍പ്പുകള്‍ കൊണ്ട്

ഗ്യാസ് ചേംബര്‍ പണിയരുത്

പ്രണയം മണപ്പുറം ബാങ്കില്‍ പണയം വെയ്കരുത്

വാല്‍ അറുത്തുപായുന്ന

ഗൌളിയെപ്പോലെ

ചങ്ക് അറുത്തു മൂകുകയര്‍ വാങ്ങരുത്

വലത്തേ മുലകുടിക്കുന്ന സ്വന്തം കുഞ്ഞു

ഇടത്തെ മുലയില്‍ തൊടരുതെന്ന് ശഠിക്കുന്നത്

ഏത് പാതിവ്രെത്യത്തെ പുല്‍കാനാണ്

കൊടുംകാറ്റുരുട്ടി അല്ല

ആരും വായു ഗുളിക ഉണ്ടാക്കുന്നത്

തെയ് വം

സര്‍വ ചരാച്ചരങ്ങള്‍കും

നീയന്തൃതാവായ തമ്പുരാനെ തെയ് വമേ

അമ്പ്രാക്കന്‍ മാര്‍ക്കു മുന്‍പില്‍

ഞങ്ങള്‍ ഒരുകാലത്ത്

റാന്‍ -മൂളിവെച്ച പൊന്നും

പണ്ടങ്ങളും എല്ലാം നീ

പാത്തു വെച്ചിരിക്കുകയായിരുന്നു അല്ലെ

പാമ്പിന്‍ പുറത്തു വിരിവെച്ചു

മഞ്ഞ ലോഹത്തിനു കാവല്‍ കിടന്ന

നിന്‍റെ പുത്തി കൊള്ളാം

പണത്തിനു മീതെ

പപ്പനാവനും പറക്കില്ല

തൃപ്തി ആയ്‌ അമ്പ്രാ തൃപ്തി ആയ്‌ ..

ഏങ്ങടെ

പുതിയ അമ്പ്രക്കന്മാര്‍

നിന്‍റെ മണിയറ വെട്ടിപ്പൊളിച്ചു

തലയെണ്ണി തുകയെണ്ണി

എങ്ങളെ പിന്നേം കൊതിപ്പിക്കുന്നമ്പ്രാ ..

ആട്, തേക്ക്, മാഞ്ചിയം

സ്വര്‍ണ കുരിശു വിശുദ്ധ രോമം

പോലീസ് ,പട്ടാളം തോക്ക് ,ചാക്ക് .

രഹസ്യ കാമറ

അനന്ദ പപ്പനാവാ നിന്‍റെ ലീലകള്‍

അനന്തംഅജ്ഞാതം ...........................

മരകുരിശ്ശേറിയ കര്‍ത്താവിനു

സ്വര്‍ണ കുരിശു

നമ്മടെ തെയ് വത്തിന് ആയിരം കോടി

എങ്ങക്ക്അതുമതി തമ്പ്രാ

എങ്ങക്ക് അതുമതി .....

നുമ്മടെ തെയ് വം നുമ്മക്ക്

തെയ് വത്തിന്‍റെ സ്വര്‍ണം തെയ് വത്തിനു

( നമ്മള് കൊയും വയലെല്ലാം

നമ്മുടെതാകും പൈങ്കിളിയെ

എന്ന മട്ട്)

മന്തന്മാര്‍

ഹോ അങ്ങനെ

നീണ്ട അഞ്ചുവര്‍ഷത്തെ

ആഭിചാരങ്ങല്‍ക്കൊടുവില്‍

ഇടത്തെ കാലിലെ മന്ത്

വലത്തേ കലിലെകു മാറി

ഇനിയിപ്പോ

എല്ലാ തിര്രോന്തരം ഫാസ്റ്റിലും

കഞ്ഞിയിട്ട രണ്ടു ഖദര്‍ഉടുപ്പെങ്കിലും കാണും

തെക്കുവടക്കോടുന്ന

എല്ലാ തീവണ്ടിയിലുമിരുന്നു

സെക്രട്ടരിയെട്ടിലേക്ക്

റിങ്ങ് ചെയ്യുന്ന മൊബൈലുകള്‍

നാറി പുഴുത്ത പഷ്ണി

പരിഹാരതെകുറിച്ചു

കീര്‍വാണംഅടിക്കും

പാളയത്തെം തംബാനൂരേം

പെരുവഴികള്‍

കൈത്തറി മുണ്ടിന്‍റെ

വരമ്ബുകൊണ്ട് മുറിപ്പെടും

നാട്ടുമ്പുറത്തെ പെണ്‍കുട്ടികള്‍

ഗസ്റ്റു ഹൌസുകളില്‍

അന്തിഉറങ്ങും

"മാ"ധ്യമങ്ങള്‍

ഖദര്‍ മുനകൊണ്ടെന്‍റെ

നെഞ്ചിലൊരു ബെല്ലെ ബെല്ലെയെന്നു

ആടിതിമിര്‍കും

പാഷാണത്തില്‍ കൃമി വളരും

മന്തിനെ തിരിച്ചു പിടിക്കാന്‍

മറ്റേ കാലന്മാര്‍

കുതികാല് വെട്ടും

രണ്ടു കാലിലും മാറി മാറി ചൊറിഞ്ഞു

കൊത്താഴാതുകാര്‍

കോരിതരിച്ചു നിര്‍വാണം പോടും

പേടിക്കേണ്ട എട്ടുകാലി

പുതിയ നൈലോണ്‍ വല

കെട്ടി തുടങ്ങിയിട്ടുണ്ട് .

സഫെത് മുസ്ലി ഈ വീടിന്‍റെ ഐശ്വര്യം

എന്നെ സമ്മതിക്കണം

രാവിലെ ചായ പിന്നെ ബ്രേക്ഫാസ്റ്റ്

പൊതിച്ചോര്‍ പൊതുകാര്യം

ഹോ .........മടുത്തു

അവളോ .. മൂധേവി

വെളുപ്പിനെ തുടങ്ങും

അരിവെപ്പു കലംകഴുക്

തുണിഅലക്

പിള്ളേരെ കുളിപ്പീര്

തൂപ്പ് തൊട

ക്രിക്ക്ടുപോലും കാണാത്ത ജന്തു

ഓ ..ആ ചീയര്‍ ഗേള്‍സ്‌ ഒക്കെ

എന്നാ മൊതലാ .ഭു

പോഴന്മാര്‍

ഒരുകാലത്ത്

കോത്താഴം രാജ്യത്തെ ജനങ്ങള്‍ ഞങ്ങള്‍

വലതു കാലിലെ മന്ത് ഇടതു കാലിലേക്കും

ഇടതു കാലിലെ മന്ത് വലതു കാലിലേക്കും

മാഹ്ടിവെക്കുന്ന മഹാ ഭിഷ്വഗോരന്‍ആണെന്നാണ്

വിശ്വസിച്ചിരുന്നത് .

പക്ഷെ

ഇന്നുമാവര്‍ക്ക് അറിയില്ല

ഇടത്തുനിന്നും വലത്തുനിന്നും

വലത്തേക്ക് മാത്രം മാറി വയ്ക്കുന്ന

മുറി വയ്ദ്യന്മാര്‍ മാത്രമാണ് തങ്ങളെന്ന്

പോഴന്മാര്‍