പശുക്കെണി

മുള്ളുവേലി കെട്ടിതിരിച്ച അതിരുകളാല്‍

കരളിനു ചുറ്റും കളം വരയ്കരുത്

കണ്ടു പഴകിയ കടലിനപ്പുറം കരയില്ലന്നും

മരുഭൂമിയില്‍ ഉറവയില്ലെന്നും കലംബരുത്

നീല രക്ത വാദിയായ

വെജിറ്റെറിയന്‍ രാജാവിനെപ്പോലെ

നെടുവീര്‍പ്പുകള്‍ കൊണ്ട്

ഗ്യാസ് ചേംബര്‍ പണിയരുത്

പ്രണയം മണപ്പുറം ബാങ്കില്‍ പണയം വെയ്കരുത്

വാല്‍ അറുത്തുപായുന്ന

ഗൌളിയെപ്പോലെ

ചങ്ക് അറുത്തു മൂകുകയര്‍ വാങ്ങരുത്

വലത്തേ മുലകുടിക്കുന്ന സ്വന്തം കുഞ്ഞു

ഇടത്തെ മുലയില്‍ തൊടരുതെന്ന് ശഠിക്കുന്നത്

ഏത് പാതിവ്രെത്യത്തെ പുല്‍കാനാണ്

കൊടുംകാറ്റുരുട്ടി അല്ല

ആരും വായു ഗുളിക ഉണ്ടാക്കുന്നത്