രാഹത്‌

രാഹത്‌
..............

സ്റ്റേഡിയത്തിൽ
ഒരു പകിസ്താനി എന്റെ രാജ്യത്തെ
ക്രിക്കറ്റിൽ തോൽപിക്കുന്നു.
എന്റെയുള്ളിൽ
തോക്കുകൾ രൂപംകൊള്ളുന്നു.

നുസ്രത്‌ ഫ ത്തേഹ്‌ അലി ഖാൻ
ഉച്ചസ്തായിയിൽ നിലാവിനെ തൊടുന്നു
അതിർത്തികൾ മാഞ്ഞുപോകുന്നു.

തോക്കുകൾ തഡ്ജ്ജലം നദിയിലെ
പരൽമീനുകൾ കൊത്തിതിന്നുന്നു.

(രാഹത്‌ = സമാധാനം)

കണക്ക്

കണക്ക്
-----------

ഒന്നുമുതൽ പൂജ്യം വ രെയുള്ള ഗണിതംകൊണ്ട്‌ 
ഈ ദുനിയാവാകെ
കൂട്ടികിഴിക്കാമെന്നിരിക്കെ
കണക്കുപുസ്തകത്തിൽ
xഉംy ഉം കുറെ ആങ്ക്ലിക്കൻ ഇക്ക്വ്ഷനുകളും
കടന്നുകൂടിയ തോടെ -
ഞാൻ പടിപ്പുപേക്ഷിച്ചു.
===========================

സുഹൃത്തെ
തലമുറകളായി ഞങ്ങൾ
അടിമകളാണു
എന്റെ രാജ്യത്തിന്റെ
അഖണ്ഡതയും അഭിമാനവും 
കാത്തുസൂക്ഷിക്കുന്നതിനൊപ്പം
ഞങ്ങൾ ഞങ്ങളുടെ പാരമ്പര്യവും
കാത്തു സംരക്ഷിക്കും

മഹത്തായ അടിമവംശത്തിലെ
ക്ലാ ക്ലാ.. ക്ലി ക്ലി
വിഭാഗത്തിൽപെട്ട ഞങ്ങൾ
ഇപ്പോൾ സംഘടിത അടിമകളാണു.

അതുകൊണ്ടുതന്നയാണു
അസംഘടിതരായ ചില ഓൾഡ്‌ സ്ലേവുകൾ
വെയിലത്തു നിൽകുമ്പോൾ
ഞങ്ങൾ കാറിതുപ്പുന്നത്‌

എതുരാജവു ഭരിച്ചാലും
ഞങ്ങൾ രാജ്യത്തിന്റെ അഖണ്ഡതയിൽ ഞാന്നു കിടക്കും

കാരണം
ഞങ്ങളിൽ ചിലർ
പഴയ ഉടമകളുടെ മക്കൾ ആണ ല്ലോ.

======================================

ഒരു ദിവസ്സം 

=========

ഒരു ദിവസ്സം
മരുഭൂമിയിൽ
പ്രണയം പേമാരിയായ്‌ പെയ്യും

ആ ദിവസ്സം
മോട്ടാർ ഷെല്ലുകൾ
തൊടുത്തവ നെ തേടി
മടങ്ങി പോകും.

കവിതകൾ ....കവിതകൾ ....കവിതകൾ ....

സഹയാത്രികൻ
------------------------

എറണാകുളം സൗത്ത് റയിൽവേ സ്റ്റേഷനും
നോർത്ത് റയിൽവേ സ്റ്റേഷനും തമ്മിൽ 
എപ്പോഴും മാറിപ്പോകുന്ന
ഒരു ചെങ്ങന്നൂർ കാരനായിരുന്നു
ഇക്കുറി എന്റെ സഹയാത്രികൻ
കോട്ടയം മുതൽ അയാൾ വല്ലാതെ
അസ്വസ്ഥനായിരുന്നു ഈ വണ്ടി
സൗത്തിലോ അതോ നോർത്തിലോ

ഒടുക്കം സൗത്തിലിറങ്ങി
നെടുമ്പാശ്ശേരിയിലേക്ക് വണ്ടിപിടിക്കുന്നതിനിടയിൽ
അയാൾ ഇത്രയും കൂടി പറഞ്ഞു
അടുത്ത തവണ അമേരിക്കയിൽ നിന്നും
ആകാശ മാർഗേണ ആറന്മുളയിൽ ഇറങ്ങി
ചെങ്ങന്നൂർ ദേവിയുടെ തൃപ്പൂത്താറാട്ടിനു കൂടണം

ഞാൻ നെഞ്ചുരുകി പ്രാർഥിച്ചു
ഹെന്റെ ആറന്മുള ഭഗവാനെ
ചെങ്ങന്നൂർ ദേവിയെ തൃപ്പൂത്താക്കല്ലേ ....

-----------------------------------------------------------------------------------

ഒരില

---------

---------------

മരമില്ലാത്ത മണ്ണിൽ കുരുത്ത
ഒരിലയാണ് മഴക്കാടുകളുടെ അമ്മ 
മഴമേഘങ്ങൾ ഉമ്മവെക്കുന്ന
മണ്‍സ്തനങ്ങൾ അറുത്ത്
നഗരങ്ങൾ വേഗംപെരുക്കുന്നു
പർവതങ്ങളിലെ ജീവന്റെ ഉറവകൾ
അട്ടക്കാലുപോലെ ചക്രങ്ങളുള്ള വണ്ടിയിൽകയറി
കൊച്ചിക്ക്‌ പോകുന്നു

നദികളുടെ ഉത്ഭവസ്ഥലികളിൽ
വെള്ളപ്പൊക്കത്തിന്റെ കണക്കുപിഴച്ച തവളകൾ
വെയിലിനെ പോക്രോം പോക്രോമെന്നു തെറിവിളിച്ചു
ജെറ്റുകളുടെ ഇരമ്പലുകളിൽ കുരുങ്ങി
മലമുഴക്കി വേഴാമ്പലുകൾചിതറി വീണു

എന്റെ കുഴിമാടത്തിലെ മണ്ണ് കൊണ്ടാണ്
കടലിൽ കപ്പലുകളുടെ മൈതാനം പണിയുന്നത്
അവസാനത്തെ വെണ്‍തേക്കും മലയിറങ്ങി
മലയിരുന്നിടത്തെ മഹാ ഗെർത്തങ്ങളിൽ
ഒരു പായൽതുമ്പ് ഒളിച്ചിരിക്കുന്നു .

-------------------------------------------------

സ്പീഡ് 

നൂറു മൈൽ സ്പീഡിൽ പയ്യൻ
ബൈക്കിൽ പാഞ്ഞപ്പോൾ. yo..yo
അതേ വേഗത്തിൽ
ആംബുലൻസിൽ ആശുപത്രിയിലേക്ക്കുതിച്ചപ്പോൾ അയ്യോ..അയ്യോ

============================================

കരച്ചിൽ വള്ളികൾ
-----------------------------

ഏതു കാലത്തിന്റെ നേരിനൊപ്പമാണ്
ഞാൻ സഹശയനം നടത്തേണ്ടത് 
എതു മുറിവിലാണ് ഞാൻ ഉമ്മവെക്കേണ്ടത്
വാതിലുകളെല്ലാം ഇരുമ്പാണി തറച്ചു
അടച്ചിരിക്കുന്നു .

ജനാലകളെല്ലാം ഇരുട്ടിലേക്ക് മാത്രം
തുറന്നിട്ടിരിക്കുന്നു
ഭൂമി ഒരു ചിലന്തിവലയിൽ
കുരുങ്ങി കിടക്കുന്നു
കുഞ്ഞുങ്ങളുടെ കരച്ചിൽവള്ളികൾ
പ്രാണനിൽ കുരുങ്ങിവലിക്കുന്നു
നദികൾ വഴിമുറിഞ്ഞു
തമോ ഗർത്തങ്ങളിലേക്ക്
അപ്രത്യക്ഷമാകുന്നു
കളിപ്പാട്ടങ്ങളുടെ ഇടയിലേക്ക്
യന്ത്രതോക്കുകൾ മുറുക്കിതുപ്പുന്നു

ഏത് ഇരുട്ടിന്റെ മറവി ലിരുന്നാണ്
ഞാൻ വെളിച്ചത്തെചുംബിക്കുക.
ഏത് മറവിയുടെ മരപ്പൊത്തിലാണ്
ഞാനി കുഞ്ഞുങ്ങളെ ഒളിപ്പിച്ചു വെക്കുക.

Sunil Maloor

31 minutes ago

കളര്‍ടോണ്‍
***************


ചത്ത ചിത്രശലഭങ്ങളെ
ഒട്ടിച്ചുവെച്ച ഒരു ബെര്‍ത്ത്‌ഡേ കേക്ക്

നടുക്ക് കത്തിച്ചുവെച്ച
അന്ധന്‍റെ പെരുവിരല്‍

പാളം മുറിച്ചു കടക്കുമ്പോള്‍
തീവണ്ടി പാഞ്ഞു കയറിയതിന്‍റെ
ആഘോഷം

വാക്ക് മഴുവായി
കണ്ണില്‍ പതിച്ചതിന്‍റെ
പ്രായശ്ചിത്തം

തടവറദാഹം
മൂത്രംകൊണ്ട് അറുത്തതിന്‍റെ
ക്ലാവ്പിടിച്ച ഓര്‍മകള്‍ക്ക്
ഒരു സെപ്പിയ കളര്‍ടോണ്‍

പുഴുക്കള്‍
**********

ഉപ്പു മാവിലെ പുഴു
വിറ്റാമിന്‍ ആണെന്ന്
മറിയകുട്ടി സര്‍

എന്നിട്ടും
നാല് ബീയിലെ
എബി വര്‍ഗീസ്

കണ്ണ് കുഴിഞ്ഞു
ചത്ത്‌ പോയത്
വിറ്റാമിന്‍റെ കുറവെന്നു
ഡ്രില്ല് മാഷ്‌

 

 

 

കുമ്പസാരം
***************

കോട്ടയത്തെ കേരള കോണ്‍ക്രസു പോലെ
പതിനാലു തവണ അവളും ഞാനും
അടിച്ചു പിരിഞ്ഞിട്ടുട്
സഭ പിതാക്കാന്‍മാരുടെ മദ്യസ്തതയില്‍
അനുഗ്രഹിക്കപ്പെട്ട ലെയനങ്ങളിലെല്ലാം
ആകാശത്തിലെ നക്ഷത്രങ്ങള്‍ പോലെ
അവള്‍ സന്തതികളെ പെറ്റുകൂട്ടി

പരിശുദ്ധ സഭയെ പരി പോഷിപ്പിച്ചു


എന്നിട്ടും അവരെന്നെ ഈ തെമ്മടികുഴിയില്‍
കൊണ്ട് തള്ളിയല്ലോ കര്‍ത്താവെ....

ഒരു ദിവസം
*************
നാല്‍കവലയിലെ ടാര്‍ റോഡില്‍
കുമ്മായം കൊണ്ട് വരച്ചിട്ടിരുന്ന
ഓംകാരവും നക്ഷത്രവും
ഇരുട്ട് പരന്നപ്പോഴേക്കും
ശത്രുക്കളായി
കൊച്ചിയില്‍ നിന്നും
ആലപ്പുഴ വഴി വന്ന
കണ്ടയ്നെര്‍ ലോറികള്‍

ചോരക്കു മുകളിലൂടെ പാഞ്ഞു
നാട്ടു വഴികളിലേക് ഊളയിട്ടു

വെളുപ്പിനെ
പത്രകെട്ടുമായി വന്ന
വാസുവേട്ടന്‍റെ സൈകിള്‍
സ്വന്തം അനിന്തരവന്‍ സുരേഷിന്‍റെ
ഡെഡ് ബോഡിയില്‍ തട്ടി പഞ്ചര്‍ ആയി

വായനശാലയില്‍ പാര്‍ടി പത്രം കിട്ടാതെ
ഉത്തമനും കണാരനും രവിയും
മഴ പെയുന്ന വഴിയിലേക് ഇറങ്ങി നടന്നു ....

 

*******************************

 

പട്ട്
*****

മുറ്റത്തു ഉണങ്ങാന്‍ ഇട്ടിരുന്ന
മല്‍ മല്‍ കോണകം
പെരുമഴയത്ത് നനഞ്ഞഒലിച്ച്
വാതിലില്‍ മുട്ടി

തല തുവര്‍താതെ
തല ഉയര്‍ത്താതെ

അകത്തു കയറി
മദ്യപിച്ചു എത്തുന്ന
വിമുക്ത ഭടനെ പോലെ
ഭാര്യ കാണാതെ വീടിന്‍റെ
മൂലയ്ക്ക് പതുങ്ങി ഇരുന്നു

നാലാം ദിവസം
വീട് ഉപേക്ഷിച്ചു
കാശിക്കു പോയ കോണകം
ഇപ്പോള്‍
കട്ടപ്പനക്കടുത്തു
യോഗ ക്ലാസ് നടത്തുന്നു
ദിവ്യ ദര്‍ശനം നല്‍കുന്നു

സന്താന ലബ്ധിക്കും
ഉത്തേജനത്തിനും
പട്ടു കോണകം
മുഖ്യ വഴിപാടു

*******************

  

 

സ്ഥിതി
**********

കരിം ചൂരല്‍ മുള്ളുകൊണ്ട്
നാക്കിലെഴുതിയ മൂത്ത തെറികള്‍
കാച്ചി രാകി മൂര്‍ച്ച കൂട്ടി
അമ്പില്‍ കുത്തി അസ്ത്രമാക്കി
കണ്ണില്‍ എയ്യും ഞാന്‍

നിങ്ങള്‍ ഓര്‍ക്കുക നിങ്ങള്‍ എങ്ങനെ

വളഞ്ഞു പോയെന്നു
ഇങ്ങനെ മുടിഞ്ഞു പോയെന്നു
നാട്ടെല്ലോടിഞ്ഞു പോയെന്നു

********************

 

വാലുമാക്രികള്‍
****************
കടം വാ‍ങ്ങിയ
സൗഹൃദങ്ങള്‍ക്ക്
ഇപ്പോള്‍ തലയില്ല
കടം തന്നവര്‍ക്ക്
നൂറു തല

ഇപ്പോള്‍
നരകത്തിനു മുകളില്‍

നൂല്‍ പാലങ്ങളില്ല
ടോള്‍ അടച്ചു
രശീത്‌ വാങ്ങി
ഹൈ വേ വഴി പോകണം

നീല തിമിന്ഗലം
ചൂണ്ടയില്‍ കൊത്തുന്നില്ല
വലയില്‍ കുരുങ്ങാതെ
ഉടല്‍ ചുരുക്കി
നെത്തോലികള്‍
അമീബയായി

പാട്ട കാലാവധി കഴിഞ്ഞ ആകാശം
വാലുമാക്രികള്‍
മറിച്ചുവിറ്റു

വിശ്വാസം അതല്ലേ എല്ലാം

ഞാനും സഖാവും കൂടി
വേങ്ങാട് ഊര്‍പ്പള്ളി വഴി
ചെഗുവേര നഗറില്‍ എത്തിയപ്പോള്‍
മുത്തപ്പന്‍ കോവിലില്‍
നേര്‍ച്ച തോറ്റം
അവിടെ ഇറങ്ങി
കാണിക്കയിട്ട്
പ്രസാദം വാങ്ങി
സഖാവ്
ചുവന്ന പൂവ് ഒരെണ്ണം
ചെവിയില്‍ തിരുകി

തുടര്‍ന്നുള്ള യാത്രക്കായി
ഷെവര്‍ലേ കാറിന്‍റെ ഡോര്‍
ടപ്പേന്നടഞ്ഞു