നീലകൊടുവേലി

മടന്ത തോരനും പുളിങ്കറിയും
അച്ഛന്‍റെ തെറിയും
കരിപ്പെട്ടി ചാരായം മണക്കുന്ന
ചുവരുകളും
മുറ്റത്തെ ചെമ്പരത്തി ചോട്ടില്‍
വീണുടഞ്ഞ മണ്‍ചട്ടിയും
അമ്മ കരഞ്ഞ
പഴന്തുണി തലേണയും
ഒളിച്ചു വന്നു ഉണ്ണുന്ന
ചേട്ടനും സഖാക്കളും
പാവാട ചരട് മുറുക്കി
വിശപ്പിനെ കൊന്ന പെങ്ങളും
വറുതിയുടെ കടലില്‍
ഞാനിറക്കിയ കുശാഗ്രതയുടെ പെട്ടകത്തില്‍
സ്വര്‍ണ ചേനയും നീലകൊടുവേലിയും

ബോധം

പിന്നീടൊരിക്കലും
ഗൗതമബുദ്ധൻ
ബോധിവൃക്ഷച്ചുവട്ടിലേക്ക്‌
തിരിച്ചുപൊയിട്ടില്ല.

കിട്ടിയ ബോധോദയം
നഷ്ട്ടപ്പെടുമന്നു കരുതിയോ
കിട്ടിയതിൽ കൂടുതൽ
കിട്ടുമെന്നു വിചരിച്ചോ
ബോധി മരം പിന്നെ
ബുദ്ധനെ കണ്ടില്ല.

ഗയയിൽനിന്നും
തെ ക്കോട്ടുപോകുന്ന
ഒറ്റയടിപ്പതയിലെവിട യോ
സിദ്ധാർദ്ദൻ എന്നുപേരുള്ള
ഒരു ഉടുപ്പു കിടപ്പുണ്ട്‌.

ശബ്ദം

നിശബ്ദത എന്ന
നിയമം കൊണ്ടവർ
നമ്മുടെ പാട്ടുക ളെ
വിലങ്ങണിയിക്കും

ശബ്ദം എന്ന
ലംഘനം കൊണ്ട്‌
നമുക്കൊരു
സംഘഗാനമാകണം.

കൈ മടക്കുകള്‍ മാത്രം തേച്ച പടുതിയില്‍
ഒരു യൂണിഫോം
----------------------

എല്ലാ പുലര്ച്ചയിലും
നീനാ ആന്‍ഡ്രൂസ്
ഞെട്ടി ഉണരുന്നത്
ഒരു ബസിന്റെ ഇരമ്പം
ഓര്‍ത്തിട്ടാണ്

രാത്രി വൈകി
ആന്‍ഡ്രൂസിച്ചായന്‍
സ്കൈപ്പു വഴിതന്ന ചുമ്പനം
മൂര്‍ദ്ധാവില്‍ വിങ്ങുന്നുണ്ട്

ശര വേഗത്തില്‍
അടുക്കളയില്‍ വഴങ്ങണം
പുതപ്പിനടിയില്‍ നിന്നും
പുറത്തേക്ക് നീണ്ട
കുഞ്ഞിക്കാലുകളില്‍
വട്ടമിടുന്നത്
ഈഡിസ്‌ കൊതുകാണോ ദൈവമേ.

സ്കൂള്‍ ബസ് എത്താറായി
എന്ന ഒറ്റ ഭീഷണിയില്‍
മക്കളുണരും
മെറിനാമിസ് പിച്ചി ഞെരുടിയ
യൂണിഫോം കൈകള്‍
തേച്ചു വെടിപ്പാക്കണം

ഇച്ചായന്‍ കുബ്ബൂസിനൊപ്പം കഴിച്ച
ഉള്ളിയുടെ നീരുവീണ്
നീനാ ആന്‍ഡ്രൂസിന്റെ
കണ്ണു നിറഞ്ഞു .

ഇരമ്പി നീങ്ങിയ
ബസിനുള്ളില്‍ നിന്നും
നൂറു കുഞ്ഞിക്കൈകള്‍
കണ്ണു തുടക്കാനെത്തുന്നു.

എതിര്‍ ദിശ
-------------
 

കണ്‍പോളയില്‍
ഒരു യുദ്ധത്തിന്‍റെ കനമുണ്ട്.
ഉണര്‍ന്നേ മതിയാകു.
എനിക്ക് മരിച്ചവന് വേണ്ടി മിണ്ടണം
എന്‍റെ ഭാഷ
അവരുടെ അച്ചുകള്‍ക്കൊത്തു വഴങ്ങുന്നില്ല.
എല്ലാ ഘടികാര സൂചികളും
അവരുടെ ദിക്കിലേക്ക് തിരിച്ചുവെച്ചാലും
ഞാന്‍ തെറ്റിയോടും.
എന്റെ വഴി എതിര്‍ ദിശയിലേക്കാണ്.

നീലകൊടുവേലി ============

മടന്ത തോരനും പുളിങ്കറിയും
അച്ഛന്‍റെ തെറിയും
കരിപ്പെട്ടി ചാരായം മണക്കുന്ന
...ചുവരുകളും
മുറ്റത്തെ ചെമ്പരത്തി ചോട്ടില്‍
വീണുടഞ്ഞ മണ്‍ചട്ടിയും
അമ്മ കരഞ്ഞ
പഴന്തുണി തലേണയും
ഒളിച്ചു വന്നു ഉണ്ണുന്ന
ചേട്ടനും സഖാക്കളും
പാവാട ചരട് മുറുക്കി
വിശപ്പിനെ കൊന്ന പെങ്ങളും

വറുതിയുടെ കടലില്‍
ഞാനിറക്കിയ കുശാഗ്രതയുടെ പെട്ടകത്തില്‍
സ്വര്‍ണ ചേനയും നീലകൊടുവേലിയും

ലോകബാങ്കിനുള്ള ഒരു റിപ്പോർട്ട്‌

വിശപ്പുണ്ട്‌ വയറുന്തിയ
കുട്ടികളുടെ ഗ്രാമത്തിലാണു ഞങ്ങൾ
ഇത്തവണ പ്രകൃതിപഠന
ക്യാമ്പ്‌ നടത്തിയത്‌
ഓസ്സോൺ വിടവും മരങ്ങളും
എന്ന വിഷയത്തിൽ
മിത്രാ കുര്യൻ നടത്തിയ പ്രഭാഷണം
ആദിവാസ്സികൽക്ക്‌ നവ്യാനുഭവമായി
(അവർ വെൺ തേക്കിൻ കാടുകളിൽ അക്കേഷ്യാ തൈകൾ നടുന്നതിന്റെ ഫോട്ടോ ഇതോടൊപ്പം വയ്ക്കുന്നു)
എത്രതിന്നാലും വയർ നിറയാത്ത കുട്ടികൾ
വല്ലതും തിന്നാൻ കൊടുത്താൽ
നമ്മുടെ യൂക്കാലി മരങ്ങൾക്ക്‌
വെള്ളംകോരാമെന്ന് ഏറ്റിട്ടുണ്ട്‌
ആഗോള താപനം ആറ്റംബോംമ്പാണു
അതുകൊണ്ട്‌ ആദിവാസ്സികൾക്കിനി
സൗജന്യ റേഷനുപകരം
ഭാവിയിലെ മരവുരികൾക്കായി
മരവിത്തുകൾ നൽകുന്ന ഒരു പദ്ധതി
സംസ്ഥാന സർക്കാരുമായി
ഒപ്പ്‌ വെച്ചിട്ടുണ്ട്‌
തണുപ്പുകാലത്ത്‌ ആദിവാസ്സികൾ
മടിപിടിച്ച്‌ കൂരയിൽ ചൂരുണ്ടുകൂടുന്നത്‌
ഞങ്ങളുടെ ശ്രദ്ധയിൽ പെട്ടിട്ടുണ്ട്‌
അതുകൊണ്ട്‌ ഗ്രാമത്തിൽ ഉണ്ടായിരുന്ന
ഏതാനം കമ്പിളിപുതപ്പുകൾ
ഞങ്ങൾ അടിച്ചുമാറ്റിയിട്ടുണ്ട്‌.
അവസാന ദിവസം
മരത്തണലിലെ ബിരിയാണി
ഡോക്യുമെന്ററിയും പ്രദർശ്ശിപ്പിച്ചു.

ആദാമിന്റെ വാരിയെല്ല്

എല്ലാം ഒണ്ടാക്കി കഴിഞ്ഞപ്പോഴാണു
എനിക്ക്‌ നിന്നെ ഒണ്ടാക്കണമെന്നു
തോന്നിയത്‌
അതൊരു വലിയ അബദ്ധമായി പോയെന്ന്
പല പ്പോഴും തോന്നിയിട്ടുമുണ്ട്‌
എന്നിട്ടും എതൊരു ദുർബല ഹൃദയ-
നെയും പോലെ ഞാൻ
മ റ്റൊരു വിഡ്ഡിത്തം ആവർത്തിച്ചു
നിന്റെ വാരി എല്ലു വലിച്ചൂരി
വയ്യാവേലി ഒണ്ടാക്കി

സാത്താൻ കൃത്യ സമയത്ത്‌
ഇട പെട്ടതുകൊണ്ട്‌
നാട്ടുകാരിപ്പോഴും
ഹവ്വടെ നെഞ്ചത്തുകേറി
നിരങ്ങുന്നു.
ഞാൻ ആദിയിൽ
വചനം ഒണ്ടാക്കി
പിന്നെ നിന്നെയൊക്കെ...
....................

തുണി

..........

അലക്കുകല്ലിൽ
തലതല്ലിപ്പിഞ്ചിപ്പോയതാണു
നീയൊരിക്കൽ വാരിപ്പുണർന്ന ഞാൻ
രാസലായനികളിൽ ശ്വാസം മുട്ടിയിട്ടും
നിന്റെ വിയർപ്പും ഗന്ധവും
വിട്ടുപോകാനാവുന്നില്ല
പഴന്തുണി കെട്ടിലിരുന്ന്
നിന്റെ കണ്ണീർ നനവുകൾ
ഒരാദ്യരാത്രിയുടെ ചിരി കേൾക്കുന്നുണ്ട്‌.